Әскери институтта көп балалы аналарға құрмет көрсетілді

8 наурыз - Халықаралық әйелдер күніне орай Радиоэлектроника және байланыс әскери-инженерлік институтында көп балалы аналар мен әскери қызметші әйелдерге құрмет көрсетілді.

РЭжБӘИИ-де 161 әйел, оның ішінде 82 әскери қызметші жұмыс істейді. Халықаралық әйелдер күніне арналған іс-шараға отбасылары көпбалалы санатқа жататын әскери қызметшілердің әйелдері де шақырылды.

Әйелдерге арнаған құттықтау сөзінде институт бастығы полковник Қайрат Даутов әскери қызметшілер үшін қызметтік міндеттерін табысты орындауда берік тылдың маңыздылығын атап өтті.